ياربى أنت املى

ياربى أنت املى
بعد ما فقدته فى كل شىء

رفعت ايدى فى ضعفى وقولت اشكى ليك

اشكى احزان ملتنى
والا اشكى هموم توهتنى

سامحنى من ضعفى ياربى
قولت كفايه تعبت
وياريت ساعتها كنت سكت
ياريتنى كنت افتكرت

بصيت حوليا
ولاقيت نعمك كتير فيا خجلت

هموم ايه
وحزن ايه
بس اللى فيهم قلبى

نسيت فى لحظه
انا ليا ربى

يزيل هموم كتير فوق الكتاف
ويمحى عن قلبى حزنه مهما شاف

هقول ياربى زى ما نبيى الكريم يعقوب ما قال
فصبــــــــــــــــــــــــــر جميل والله المستعان

هدعى وانا واثقه ياربى تقبلنى
ما ظنى الخير فيك علمنى

هدعى لا عمر الحزن عندى يطول
و يارب اى هم فيا يزول

مش ليا بس ياربى
بدعى لكل المهمومين
اللى فى رحمتك طمعانين

ولا عمرهم يأسوا فى يوم من رحمتك
وسابقين كل ليل فى دعوتك

تقبلنا يارب
تقبلنا يارب

اخوانى واخواتى فى الله
هنقوم بقى نصلى القيام

وندعى ربنا يزيل هموم واحزان المسلمين اجمعين يارب

ولا تنسوا ركعه الوتر